انتقلنا الى مبنى يديد والمكاتب فيه مفتوحة ولهذا السبب يا اما ناخذ اللابتوبس البيت أو نقفل عليهن في المكتب.
طبعاً أنا ما آخذ اللابتوب فقفلت عليه في سدّة المكتب قبل ما أروّح البارحة،
وصلت متأخرة، كالعادة، واكتشفت اني نسيت المفتاح في البيت ، أو يمكن ظاع مب متأكده! اتذكر انه كان في ايدي البارحة وانا اتكلم مع حد في التليفون، وهذا كل اللي الالزهايمر مخلني أتذكره.

انا: انا قفلت على اللابتوب وابغي نسخة المفتاح إذا موجودة لو سمحت.
الأخ اللي يمكن تكون عنده نسخة المفتاح: انتي كان عندج مفتاح؟
انا: نعم؟ ؟؟؟
الأخ: لأنه في مكاتب تسلمت بدون مفاتيح
انا: أنا "قفـــــــلت" على اللابتوب
الأخ: انزين الميدالية كان فيها مفتاح واحد ولا اثنين، لانه اذا واحد في احتمال نلقى النسخة بس اذا اثنين مشكلة...
انا: كان فيها مفتاح واحد.
هو: في شي ظروري في السدّة؟ يعني ما في امكانيه انج تمشّين اليوم ولما تلقين المفتاح تفتحين السدة باجر.
انا: أنا قفـــــــلت على "اللابتوب"
هو: هاااااااه (مصحوبه بنظرة غباااااء)

في خاطري : وَيعااااااه

هو: نسَخ المفاتيح في المبنى الثاني، ممكن تطرشين الفرّاش وياي علشان ياخذ المفتاح لأني باطلع للمكتب الرئيسي على طول.

أنا: انا بايي وياك.
هو: خل اشوف رقم القفل.
.
.

.
بعد ما وصلنا مكتب الأخ
طلع لي ميدالية بهجت الاباصيري

رقم القفل 0203 صح؟
انا: ما أدري انته اللي شفته!!!

أرجع لك عقب الغدا؟ (قلت أعطيه وقت يدوّرعلى راحته...

لا لا لا ألحين باطلعه، بس افتحي المكتب رجعي المفتاح اوكي؟
انا: أوكي

والله وطلّع لي المفتاح،

جربي هذا المفتاح وان شاء الله يطلع صح o_O
سالته وإذا ما فتح؟ قاللي أمرج لله

رجعت المكتب ولا الأخ لاحقني، امشي ويمشي في نفس الاتجاه، وبعدين كمل مشي علشان طبعاً موقّف سيارته عند مبنانا،

ليش يقوللي طرشي الفرّاش ما فهمت.

Am I a bad person?

السؤال اللي ساعات يؤرقني...

هل أنا تحولت مع التقدم في العمر الى انسانة ما عندي حسن ظن في الناس ودوافعهم ونواياهم. أم ان هذا انعكاس لنواياي أنا. باعتبار انه كل يرى الناس بعين طبعه؟؟؟

كان في اعلان "ديو" كبييير، امر عليه كل يوم في طريق الدوام،،، و كل يوم أتعوذ من الشيطان وأحاول ما أفكر في شعار الحملة.

سألت ربيعاتي، المؤدبات ، هي وحده بس، وغير المؤدبات،،،،وهم كثيرو.

ماحّد عطاني جوابن شافي.

في ناس اتفقوا وياي انه فعلاَ المسأله فيها نظر، مع ان الفكرة اللي طرت لي ما طرت لهم قبل ما أنا أفتح عيونهم عليها.

السؤال هو:

.

.

.

.

.

؟

؟

؟

!

.

.

.

.

.

شو هي اللي مطلوب نطلقها مع ديو؟

.

.

.

أنا غلطانه يا ناس؟

والجماعة خانهم التعبير،

وكان قصدهم شريف،

يعني يمكن يمكن يمممممكن ما انتبهوا انهم يسوقون مشروب "غازي"؟

ellipses

It's me again....
Got some requests to revive my -short lived- blog...
Don't know how often I can update it...
Let's see...

A friend of mine commented on my e-mails saying that I always end my sentences with an undefinitive set of three dots "..." and she wonders what I mean by them sometimes...

I looked them up:
Ellipsis (plural ellipses; from the Greek: ἔλλειψις, élleipsis, "omission") is a term in printing and writing that refers to a mark or series of marks that usually indicate an intentional omission of a word or a phrase from the original text. An ellipsis can also be used to indicate a pause in speech, an unfinished thought or, at the end of a sentence, a trailing off into silence (aposiopesis).

I thought this bit was funny :
The use of ellipses can either mislead or clarify, and the reader must rely on the good intentions of the writer who uses them.